തൃശ്ശൂർ: ചെറുതുരുത്തി ടൗണിലെ സൂപ്പർ മാർക്കറ്റിന് മുകളില്‍ തഴച്ചു വളർന്ന് കഞ്ചാവ് ചെടി. ചെറുതുരുത്തി പോലീസ് സ്റ്റേഷനില്‍ നിന്ന് 50 മീറ്റർ മാത്രം അകലെയായി ടൗണില്‍ സ്ഥിതിചെയ്യുന്ന ബിസ്മി സൂപ്പർമാർക്കറ്റിന്റെ മുകളിലായാണ് അഞ്ചടിയോളം വളർച്ചയെത്തിയ കഞ്ചാവ് ചെടി കണ്ടെത്തിയത്.
റോഡില്‍ നിന്ന് നോക്കുന്ന ആളുകള്‍ കാണാതിരിക്കുന്നതിന് വേണ്ടി ചെടി മറച്ച രീതിയില്‍ ആയിരുന്നു ഉണ്ടായിരുന്നത്.
ചെറുതുരുത്തി സബ് ഇൻസ്പെക്ടർ എ.ആർ നിഖിലിന് ലഭിച്ച രഹസ്യ വിവരത്തെ തുടർന്ന് സീനിയർ സിവില്‍ പോലീസ് ഓഫീസർ ആയ വിനീത് മോൻ, സിവില്‍ പൊലീസ് ഓഫീസർ ഗിരീഷ് എന്നിവർ ചേർന്ന് നടത്തിയ അന്വേഷണത്തിലാണ് കഞ്ചാവ് ചെടി കണ്ടെത്തിയത്.
ഇവിടെ നിറയെ മാലിന്യങ്ങള്‍ കൂടിക്കിടക്കുന്നുണ്ടായിരുന്നു. നിരവധി മദ്യക്കുപ്പികളും ഇവിടെ പൊലീസ് സംഘം കണ്ടെത്തി. സംഭവത്തില്‍ പൊലീസ് അന്വേഷണം തുടങ്ങിയിട്ടുണ്ട്
