തളങ്കര:വീട്ടില്‍ ഭക്ഷണം കഴിച്ച്‌ കിടന്ന യുവാവിനെ മരിച്ച നിലയില്‍ കണ്ടെത്തി. തളങ്കര ബിലാല്‍ നഗറിലെ ഇബ്രാഹിം – ആഇശ ദമ്ബതികളുടെ മകൻ മുഹമ്മദ് സ്വാദിഖാണ് മരിച്ചത്.
പ്രവാസിയായ സ്വാദിഖ് ഈ മാസം 29ന് ഗള്‍ഫിലേക്ക് തിരിച്ചുപോകാനിരിക്കെയാണ് മരണപ്പെട്ടത്.
തിങ്കളാഴ്ച രാവിലെ 11 മണിയോടെ ഭക്ഷണം കഴിച്ച്‌ കിടപ്പുമുറിയില്‍ ഉറങ്ങാൻ കിടന്നതായിരുന്നു. വൈകീട്ട് വീട്ടുകാർ ചെന്നുനോക്കിയപ്പോഴാണ് മരിച്ച നിലയില്‍ കണ്ടെത്തിയത്. ഉറക്കത്തില്‍ ഹൃദയാഘാതം മൂലം മരിച്ചതായാണ് നിഗമനം.
സഹോദരങ്ങള്‍: ശകീർ, സമീർ. അടുത്തിടെയാണ് യുവാവ് ഗള്‍ഫില്‍ നിന്നും അവധിക്ക് നാട്ടിലെത്തിയത്. തിരിച്ചുപോകാനുള്ള ഒരുക്കത്തിനിടെ യുവാവ് മരിച്ചത് ബന്ധുക്കളെയും സുഹൃത്തുക്കളെയും നാട്ടുകാരെയും ഒരുപോലെ കണ്ണീരിലാഴ്ത്തി.
