കോഴിക്കോട്: എം.ഡി.എം.എ കടത്തുന്നതിനിടെ യുവതി ഉള്‍പ്പെടെ രണ്ടുപേരെ തിരുവമ്ബാടി പോലീസ് പിടികൂടി. കൊടുവള്ളി വാവാട് വരലാട്ട് മുഹമ്മദ് ഡാനിഷ്(24), പുതുപ്പാടി കൈതപ്പൊയില്‍ ആനോറമ്മല്‍ ജിൻഷ(25) എന്നിവരാണ് പിടിയിലായത്.
ആനക്കാംപൊയിലിലെ റിസോർട്ടില്‍ വെച്ചാണ് ഇവർ പോലീസിന്റെ വലയിലായത്. കെ.എല്‍. 57 സെഡ് 7913 നമ്ബർ കാറില്‍ മയക്കുമരുന്ന് കടത്തുന്നുണ്ടെന്ന വിവരത്തെ തുടർന്ന് പോലീസ് പരിശോധന നടത്തിയെങ്കിലും ആദ്യം വാഹനം കണ്ടെത്താനായില്ല. പിന്നീട് നടത്തിയ പരിശോധനയിലാണ് റിസോർട്ടില്‍വെച്ച്‌ ഇരുവരേയും പിടികൂടിയത്.
6.32 ഗ്രാം എം.ഡി.എം.എ പോലീസ് കണ്ടെടുത്തു. ഇവർ സഞ്ചരിച്ച കാറും പോലീസ് കസ്റ്റഡിയിലെടുത്തു. കൊടുവള്ളി പോലീസ് സ്റ്റേഷനിലെ റൗഡി ലിസ്റ്റില്‍ ഉള്‍പ്പെട്ട ഡാനിഷ് ആറോളം മയക്കുമരുന്ന് കേസുകളില്‍ പ്രതിയാണെന്ന് പോലീസ് പറഞ്ഞു.
തിരുവമ്ബാടി എസ്.ഐ വി.കെ. അബ്ദുല്‍ റസാഖ്, എ.എസ്.ഐമാരായ രജനി, ഷീന, സീനിർ സി.പി. ഒമാരായ അനൂപ്, ഉജേഷ്, സുഭാഷ്, സുബീഷ്, രജീഷ് എന്നിവരടങ്ങിയ സംഘമാണ് പ്രതികളെ പിടികൂടിയത്
