രാജ്‌കോട്ട: ഗുജറാത്തില്‍ സ്വന്തം അമ്മയെ കൊലപ്പെടുത്തിയ കേസില്‍ 21 കാരനെ അറസ്റ്റ് ചെയ്ത് പോലീസ്.രാജ്കോട്ടിലെ യൂണിവേഴ്സിറ്റി റോഡിലെ ഭഗത്സിൻഹ്ജി ഗാർഡനിലാണ് സംഭവം.ചോദ്യം ചെയ്യലില്‍ യുവാവായ നിലേഷ് കൊലകുറ്റം സമ്മതിച്ചു
കുറ്റം ചെയ്തതിന് ശേഷം, പ്രതി ‘സോറി അമ്മേ.. നിങ്ങളെ ഞാൻ കൊല്ലുന്നു, ഞാൻ നിങ്ങളെ മിസ്സ് ചെയ്യുന്നു, ഓം ശാന്തി’ എന്ന അടിക്കുറിപ്പോടെ അമ്മയുടെ ഫോട്ടോ ഇൻസ്റ്റാഗ്രാമില്‍ പോസ്റ്റ് ചെയ്യുകയും ചെയ്തു. ജ്യോതിബെൻ വർഷങ്ങളായി കടുത്ത മാനസിക വെല്ലുവിളി നേരിടുന്നുണ്ടെന്നും മകനുമായി വഴക്ക് പതിവാണെന്നും ഇതില്‍ മനം മടുത്താണ് കൊലപാതകമെന്നും പോലീസ് പ്രാഥമിക അന്വേഷണത്തില്‍ പറഞ്ഞു.
ഇരുപത് വർഷങ്ങള്‍ക്ക് മുമ്ബ് ജ്യോതിബെൻ വിവാഹബന്ധം വേർപ്പെടുത്തിയതാണ്. ശേഷം കടുത്ത മനസികരോഗത്തിന് അടിമയായ ജ്യോതിബെൻ സ്ഥിരമായി മരുന്ന് കഴിച്ചിരുന്നു, ഒരു മാസത്തിന് മുമ്ബ് മരുന്ന് കഴിക്കല്‍ നിർത്തിയതോടെ വീണ്ടും മാനസിക സ്ഥിതി വഷളാവുകയായിരുന്നു
