കൊച്ചി: മഹാരാജാസ് കോളജില്‍ കെ.എസ്.യു പ്രവർത്തകർക്ക് മർദനമേറ്റു. കെ.എസ്.യു യൂനിറ്റ് കമ്മിറ്റിയുടെ നേതൃത്വത്തില്‍ നടന്ന “സർഗ”കള്‍ച്ചറല്‍ പരിപാടിക്കിടെയാണ് എസ്.എഫ്.ഐ ജില്ലാ പ്രസിഡൻറ് ആശിഷ്, വൈസ് പ്രസിഡൻറ് നന്ദകുമാർ എന്നിവരുടെ നേതൃത്വത്തില്‍ ക്യാമ്യൂനിറ്റ് വൈസ് പ്രസിഡൻറ് ഹുസൈനുല്‍ ജുനൈസിന് മർദനത്തില്‍ പരിക്കേറ്റു.
യൂനിറ്റ് പ്രസിഡൻറ് ലസീഖ ഉള്‍പ്പടെയുള്ള വനിതാ പ്രവർത്തകരെയും മർദിച്ചു. നേരത്തെ എസ്.എഫ്.ഐ പ്രവർത്തകർ ഹോസ്റ്റലില്‍ കയറി ജുനൈസ് പങ്കെടുത്ത ദേശീയ കായിക മത്സരങ്ങളുടെ സർട്ടിഫിക്കറ്റുകള്‍ നശിപ്പിച്ചിരുന്നുവെന്നും കെ.എസ്.യു പറയുന്നു.
എറണാകുളം മഹാരാജാസ് കോളജില്‍ കെ.എസ്.യു പ്രവർത്തകർക്ക് നേരെ ഉണ്ടായ എസ്.എഫ്.ഐ ഗുണ്ടായിസം പ്രതിഷേധാർഹമാണെന്നും അക്രമ രാഷ്ട്രീയത്തെ പ്രതിരോധിക്കുമെന്നും കെ.എസ്.യു സംസ്ഥാന പ്രസിഡൻറ് അലോഷ്യസ് സേവ്യർ അറിയിച്ചു.
വിഷയത്തില്‍ കെ.എസ്.യു സംസ്ഥാന വ്യാപക പ്രതിഷേധ പരിപാടികള്‍ സംഘടിപ്പിക്കുമെന്നും അലോഷ്യസ് സേവ്യർ വ്യക്തമാക്കി.ബസിന് പുറത്തു നിന്നെത്തിയവരുടെ സഹോയത്തോടെ അക്രമം നടത്തിയതെന്ന് കെ.എസ്.യു വാർത്താക്കുറിപ്പില്‍ അറിയച്ചു.
