ജിമ്മില്‍ വ്യായാമം ചെയ്യുന്നതിനിടെ യുവതി കുഴഞ്ഞുവീണ് മരിച്ചു. കഴിഞ്ഞ ദിവസം എറണാകുളത്താണ് സംഭവം നടന്നത്.
എളമക്കര ആർഎംവി റോഡ് ചിറക്കപറമ്ബില്‍ ശാരദാനിവാസില്‍ അരുന്ധതിയാണ് (24) മരിച്ചത്.
ചൊവ്വഴ്ച രാവിലെ എട്ടിനാണ് സംഭവം. പതിവായി ജിമ്മില്‍ പോയി വ്യായാമം ചെയ്യാറുള്ള ആള്‍ ആണ് മരിച്ച അരുന്ധതി. ചൊവ്വാഴ്ചയും പതിവ് പോലെ ജിമ്മിലേക്ക് എത്തിയതായിരുന്നു.
എന്നാല്‍ വ്യായാമം ചെയ്ത് തുടങ്ങിയതിനു ശേഷം കുഴഞ്ഞു വീഴുകയായിരുന്നു. തുടർന്ന് പെട്ടെന്ന് തന്നെ യുവതിയെ ആശുപത്രിയിലെത്തിച്ചെങ്കിലും ജീവൻ രക്ഷിക്കാനായില്ല.
വയനാട് സ്വദേശിയാണ് മരിച്ച അരുന്ധതി. എട്ടുമാസം മുമ്ബാണ് ഇവരുടെ വിവാഹം കഴിഞ്ഞത്. തുടർന്നാണ് എളമക്കരയിലെ ഭർതൃഗൃഹത്തിലേക്ക് എത്തിയത്. എറണാകുളം കറുകപ്പള്ളില്‍ പ്രവർത്തിക്കുന്ന ജിമ്മില്‍ ആണ് യുവതി വ്യായാമത്തിനായി പോകാറുള്ളത്.
പതിവുപോലെ ജിമ്മിലെത്തിയ അരുന്ധതി ഇടയ്ക്ക് കുഴഞ്ഞുവീഴുകയായിരുന്നു. ഭർത്താവിൻ്റെ മൊഴിയുടെ അടിസ്ഥാനത്തില്‍
എളമക്കര പോലീസ് എഫ്‌ഐആർ രജിസ്റ്റർ ചെയ്തു.
ബുധൻ രാവിലെ പോസ്റ്റ്മോർട്ടത്തിനു ശേഷം മൃതദേഹം വയനാട്ടിലേക്ക് കൊണ്ടുപോകും. വി എസ് രാഹുല്‍ ആണ് അരുന്ധതിയുടെ ഭർത്താവ്
