ഇന്ദിരാഗാന്ധി അന്താരാഷ്‌ട്ര വിമാനത്താവളത്തില്‍ നിന്ന് 24 കോടി രൂപ വിലമതിക്കുന്ന 1660 ഗ്രാം കൊക്കെയ്ൻ ദല്‍ഹി കസ്റ്റംസ് ഞായറാഴ്ച പിടികൂടി.
ഇന്ദിരാഗാന്ധി അന്താരാഷ്‌ട്ര വിമാനത്താവളത്തില്‍ കസ്റ്റംസ് അധികാരികളുടെ പതിവ് നടപടികളുടെ ഭാഗമായിട്ടാണ് തിരച്ചില്‍ നടത്തിയത്.
ദുബായില്‍ നിന്ന് ദല്‍ഹിയിലെത്തിയ ലൈബീരിയ സ്വദേശിയായ യാത്രക്കാരനില്‍ നിന്നുമാണ് മയക്കുമരുന്ന് പിടിച്ചെടുത്തത്. ഇയാളെ 1985ലെ എൻഡിപിഎസ് ആക്‌ട് പ്രകാരം അറസ്റ്റ് ചെയ്തു. കൂടുതല്‍ അന്വേഷണം നടന്നുവരികയാണ്.
ഈ വർഷം മെയ് മാസത്തില്‍ ഹോങ്കോങ്ങില്‍ നിന്ന് എത്തിയ രണ്ട് ഇന്ത്യൻ പൗരന്മാരില്‍ നിന്ന് 2000 ഗ്രാമിലധികം ഓസ്മിയം പൊടിയും 72.3 ലക്ഷം രൂപ വിലമതിക്കുന്ന രണ്ട് ആഡംബര വാച്ചുകളും ദല്‍ഹി കസ്റ്റംസ് പിടിച്ചെടുത്തിരുന്നു.
ഇതിനു പുറമെ മെയ് 3 ന് ദല്‍ഹി കസ്റ്റംസിന്റെ പട്‌പർഗഞ്ച് കമ്മീഷണറേറ്റ് 2.40 കോടി രൂപ വിലമതിക്കുന്ന 30,090 ഇ-സിഗരറ്റുകള്‍ പിടിച്ചെടുത്തതായി മെയ് 3 ന് ഏജൻസി അറിയിച്ചിരുന്നു. ഹെയർ ആക്സസറികളുടെ വേഷത്തിലാണ് ഇ-സിഗരറ്റുകള്‍ ഒളിപ്പിച്ചിരുന്നത്.
ഇലക്‌ട്രോണിക് സിഗരറ്റ് നിരോധന നിയമം 2019 പ്രകാരം ഇ-സിഗരറ്റ് ഇറക്കുമതി ചെയ്യുന്നത് രാജ്യത്ത് നിരോധിച്ചിരിക്കുന്നു
