കോഴിക്കോട് രാജ്യാന്തര വിമാനത്താവളത്തിലെ വർധിപ്പിച്ച പാർക്കിങ് ഫീസ് കുറക്കാൻ അടിയന്തര നടപടി സ്വീകരിക്കുമെന്ന് എയർപോർട്ട് ഡയറക്ടർ ഇ.ടി.മുഹമ്മദ് ബഷീർ എംപിക്ക് ഉറപ്പ് നല്‍കി.
സ്വകാര്യ വാഹനങ്ങളുടെ പാർക്കിങ് ഫീസ് ഇരട്ടിയായും എയർപോർട്ടിന് പുറത്ത് നിന്ന് യാത്രക്കാരുമായി എത്തുന്ന ടാക്‌സി വാഹനങ്ങള്‍ക്ക് ഗണ്യമായും ഫീസ് ഉയർത്തിയത് വലിയ തോതില്‍ പ്രതിഷേധങ്ങള്‍ക്ക് വഴിവച്ചിരുന്നു.
ഇതേ തുടർന്നാണ് ഇ.ടി.മുഹമ്മദ് ബഷീർ എംപി എയർപോർട്ട് ഡയറക്ടർ ഉള്‍പ്പെടെ ഉന്നത ഉദ്യോഗസ്ഥരുമായി ചർച്ച നടത്തിയത്. വിഷയത്തിന്റെ ഗൗരവം ഉള്‍ക്കൊണ്ട് എയർപോർട്ട് അതോറിറ്റി ഓഫ് ഇൻഡ്യ അധികൃതരുമായി ബന്ധപ്പെട്ടിട്ടുണ്ടെന്നും വൈകാതെ പരിഹാരം ഉണ്ടാവുമെന്നും ഡയറക്ടർ എസ്.സുരേഷ് അറിയിച്ചു.
ജോയിന്റ് ജനറല്‍ മാനേജർ മുനീർ, എൻജിനിയറിങ് ജനറല്‍ മാനേജർ രവീന്ദ്രൻ, സിവില്‍ ജനറല്‍ മാനേജർ മുഹമ്മദ് കാസിം എന്നിവരും ചർച്ചയില്‍ പങ്കെടുത്തു
ഹേമ കമ്മിറ്റി റിപ്പോര്‍ട്ടില്‍ സര്‍ക്കാരിനെതിരെ വിമര്‍ശനവുമായി പ്രതിപക്ഷ നേതാവ് വി ഡി സതീശന്‍. സര്‍ക്കാര്‍ ശ്രമിക്കുന്നത് കുറ്റവാളികളെ സംരക്ഷിക്കാനാണെന്ന് അദ്ദേഹം ആരോപിച്ചു. സര്‍ക്കാര്‍ ചെയ്യുന്നത് ക്രിമിനല്‍കുറ്റമാണ്.
കുറ്റകൃത്യങ്ങളുടെ പരമ്ബരയാണ് ഹേമ കമ്മിറ്റി റിപ്പോര്‍ട്ടിലുള്ളത്. കുറ്റകൃത്യങ്ങള്‍ നടന്നെന്ന് മനസിലായാല്‍ നടപടി എടുക്കണമെന്നും വി ഡി സതീശന്‍ ആവശ്യപ്പെട്ടു.
‘റിപ്പോര്‍ട്ടിലെ വിവരങ്ങള്‍ ഒളിച്ചുവെച്ചത് തെറ്റാണ്. അന്വേഷണം നടത്തേണ്ട നിയമപരമായ ബാധ്യത സര്‍ക്കാരിനുണ്ട്. വനിതാ ഐപിഎസ് ഓഫീസറെ കൊണ്ട് സംഭവങ്ങള്‍ അന്വേഷിപ്പിക്കണം. സര്‍ക്കാര്‍ പറയുന്ന ന്യായീകരണം പച്ചക്കള്ളമാണ്. റിപ്പോര്‍ട്ട് പുറത്തുവിടരുതെന്ന് പറയാന്‍ ജസ്റ്റിസ് ഹേമയ്ക്ക് അധികാരമില്ല.
കോണ്‍ക്ലേവിലൂടെ ജനങ്ങളെ വിഡ്ഢികളാക്കുകയാണ് സര്‍ക്കാര്‍. കോണ്‍ക്ലേവിലൂടെ സ്ത്രീകളെ വീണ്ടും അപമാനിക്കുന്നു. എന്തൊരു അസംബന്ധമാണ് സര്‍ക്കാര്‍ പറയുന്നത്. ആരോപണ വിധേയര്‍ക്കൊപ്പം കോണ്‍ക്ലേവ് നടത്താനാകില്ല. അന്വേഷണം നടത്തി കുറ്റക്കാരുടെ പേര് പുറത്തുവിടണം.
ഉമ്മന്‍ചാണ്ടിയുടെ പേര് പറഞ്ഞവര്‍ എന്തിനാണ് ഇപ്പോള്‍ പേടിക്കുന്നത്. കോടതി പറഞ്ഞാല്‍ കേള്‍ക്കാമെന്ന് പറയുന്നതില്‍ എന്താണ് ന്യായീകരണം.
ഒരു സംസ്ഥാനത്ത് നടക്കാത്ത കാര്യങ്ങളാണ് ഇവിടെ നടക്കുന്നത്. സര്‍ക്കാരിനെ പ്രോസിക്യൂട്ട് ചെയ്യാന്‍ നിയമനടപടിയുമായി മുന്നോട്ട് പോകാന്‍ നിര്‍ബന്ധിക്കരുത്. സ്ത്രീകള്‍ അപമാനിക്കപ്പെടുന്നത് കേരളത്തിന് അപമാനമാണ്. നിയമപരമായ ഉത്തരവാദിത്തത്തില്‍ നിന്ന് സര്‍ക്കാര്‍ ഒളിച്ചോടരുത്. പവര്‍ ലോബികളുടെ പേര് പുറത്തുവരണം’, വി ഡി സതീശന്‍ ചര്‍ച്ചയില്‍ പറഞ്ഞു.
