റിയാദ്: പോർച്ചുഗല്‍ ഇതിഹാസ ഫുട്ബോളർ ക്രിസ്റ്റ്യാനോ റൊണാള്‍ഡോ തന്‍റെ വിരമിക്കല്‍ പദ്ധതി വെളിപ്പെടുത്തി. മുപ്പത്തൊന്പതുകാരനായ ക്രിസ്റ്റ്യാനോ റൊണാള്‍ഡോ 2023 ജനുവരി മുതല്‍ സൗദി പ്രൊ ലീഗ് ക്ലബ്ബായ അല്‍ നസർ എഫ്സിയിലാണ്.
അല്‍ നസറിനായി 67 മത്സരങ്ങള്‍ കളിച്ച റൊണാള്‍ഡോ 61 ഗോള്‍ നേടി, 16 അസിസ്റ്റും നടത്തി.
സൗദി പ്രൊ ലീഗില്‍ 50 ഗോളും തികച്ചു. അല്‍ നസറില്‍ തന്‍റെ ഫുട്ബോള്‍ കരിയർ അവസാനിപ്പിക്കുമെന്നാണ് റൊണാല്‍ഡോ പ്രഖ്യാപിച്ചത്. രണ്ടു മൂന്നു വർഷത്തിനുള്ളില്‍ വിരമിക്കില്ലെന്നും, വിരമിച്ചു കഴിഞ്ഞ് പരിശീലകനാകില്ലെന്നും ഒരു അഭിമുഖത്തില്‍ റൊണാള്‍ഡോ വ്യക്തമാക്കി.
