കണ്ണൂർ: മുസ്ലിം ലീഗ് മുൻ ജില്ലാ വൈസ് പ്രസിഡണ്ടും പ്രമുഖ കർഷകനുമായ കടാങ്കോട്ടെ കെ കുഞ്ഞിമാമു മാസ്റ്റർ (88) നിര്യാതനായി.
പരേതരായ മാടക്കണ്ടി മൂസയുടെയും കേളോത്ത് കുഞ്ഞാമിനയുടെയും മകനാണ്. ഭാര്യമാർ എം ആസിയ, സുബൈദ. പഴയ എടക്കാട് നിയോജകമണ്ഡലത്തില്‍പെട്ട കടാങ്കോട്, പള്ളിപ്രം വാരംകടവ് പ്രദേശങ്ങളിലും ജില്ലയിലെ മറ്റു ഭാഗങ്ങളിലും മുസ്ലിം ലീഗ് പ്രസ്ഥാനത്തിന് വേരോട്ടം ഉണ്ടാക്കുന്നതിന് പഴയകാല നേതാക്കന്മാർക്ക് ഒരൊപ്പം തോളുരുമ്മി പ്രവർത്തിച്ച വ്യക്തിയായിരുന്നു കുഞ്ഞിമാമു മാസ്റ്റർ.
സ്വതന്ത്ര കർഷകസംഘം സംസ്ഥാന സെക്രട്ടറി, ജില്ലാ പ്രസിഡണ്ട് ജനറല്‍ സെക്രട്ടറി, എടക്കാട് നിയോജകമണ്ഡലം മുസ്ലിംലീഗിന്റെ ദീർഘകാല പ്രസിഡന്റ്, ജനറല്‍ സെക്രട്ടറി, കണ്ണൂർ മണ്ഡലം മുസ്ലിം ലീഗ് സെക്രട്ടറി, ചേലോറ പഞ്ചായത്ത് മുസ്ലിം ലീഗ് പ്രസിഡണ്ട് ജനറല്‍ സെക്രട്ടറി, കടാങ്കോട് ശാഖാ മുസ്ലിം ലീഗ് പ്രസിഡണ്ട് സെക്രട്ടറി, ചേലോറ ഗ്രാമപഞ്ചായത്ത് മെമ്ബർ കാട്ടാമ്ബള്ളി നെല്‍കൃഷി സംരക്ഷണ സമിതി ചെയർമാൻ -കണ്‍വീനർ, ജില്ലാ കാർഷിക വികസന സമിതി അംഗം, ജില്ലാ ലാൻഡ് ട്രൈബ്യൂണല്‍ കമ്മിറ്റി അംഗം, കടാങ്കോട് ജമാഅത്ത് കമ്മിറ്റി അംഗം, എളയാവൂർസി എച്ച്‌ എം സ്കൂള്‍ പി ടി എ പ്രസിഡണ്ട്, വാരം മാപ്പിള എല്‍ പി സ്കൂള്‍ അധ്യാപകൻ തുടങ്ങിയ മേഖലകളില്‍ അദ്ദേഹം പ്രവർത്തിച്ചിട്ടുണ്ട്.
മയ്യത്ത് വൻ ജനാവലിയുടെ സാന്നിധ്യത്തില്‍ കടാങ്കോട് കബർസ്ഥാനില്‍ കബറടക്കി. മക്കള്‍ ഷംസുദ്ദീൻ, മർജാന, അബ്ദുറഷീദ്, ഗഫൂർ, ഷറഫ്മാസ്റ്റർ,നിസാർ, അഫ്സത്ത്, മുനീറ, മുഹമ്മദലി, പരേതരായ ശിഹാബ്, നദീറ. ജാമാതാക്കള്‍: അബ്ദുല്‍ സിയാദ്, മൊയ്തീൻ, മഹമൂദ്, റിയാസ്, നസീമ, താഹിറ, ഷബീന, ഷബാന. പി സമീറ. റൻസീറ, ടി കെ സമീറ
