തൃശൂർ: ഓണം സ്പെഷ്യല്‍ ഡ്രൈവിന്‍റെ ഭാഗമായി എക്സൈസ് തൃശൂരില്‍ നടത്തിയ പരിശോധനയില്‍ ന്യൂ ജനറേഷൻ മയക്കുമരുന്നുമായി യുവാവ് പിടിയില്‍.
തൃശൂർ ചൊവ്വൂരില്‍ ആണ് എല്‍എസ് ഡി സ്റ്റാമ്ബും കഞ്ചാവുമായി യുവാവിനെ എക്സൈസ് അറസ്റ്റ് ചെയ്തത്. ചൊവ്വൂർ സ്വദേശിയായ ജിനു ജോസ് (28) ആണ് പിടിയിലായത്. ഇയാളില്‍ നിന്നും 130 മില്ലിഗ്രാം എല്‍എസ്‍ഡി സ്റ്റാമ്ബും അഞ്ച് ഗ്രാം കഞ്ചാവും പിടിച്ചെടുത്തു. കഴിഞ്ഞ ദിവസമാണ് യുവാവ് പിടിയിലായത്.
ചേർപ്പ് എക്സൈസ് റേഞ്ച് ഇൻസ്പെകർ കെ.അശ്വിൻ കുമാറിന്റെ നേതൃത്വത്തിലുള സംഘമാണ് മയക്കുമരുന്ന് പിടികൂടിയത്. അസിസ്റ്റന്‍റ് എക്സൈസ് ഇൻസ്പെകർ രാജേഷ്.കെ.വി, സിവില്‍ എക്സൈസ് ഓഫീസർ വിപിൻരാജ് ടി.ആർ, വനിത സിവില്‍ എക്സൈസ് ഓഫീസർ ശ്യാമലത, സിവില്‍ എക്സൈസ് ഓഫീസർ ഡ്രൈവർ ഷൈജു എന്നിവരും റെയ്ഡില്‍ പങ്കെടുത്തു.
അതിനിടെ ഇന്ന് കൊല്ലം ജില്ലയിലെ പുനലൂരില്‍ എക്സൈസ് കഞ്ചാവുമായി ഒരാളെ പിടികൂടി. 1.412 കിലോഗ്രാം കഞ്ചാവുമായി പുനലൂർ പരവട്ടം സ്വദേശിയായ രാജു (45വയസ്) എന്നയായാണ് എക്സൈസ് സർക്കിള്‍ ഇൻസ്പെക്ടർ എ. ഷമീർഖാന്‍റെ നേതൃത്വത്തില്‍ നടത്തിയ പരിശോധനയില്‍ പിടികൂടിയത്. റെയ്ഡില്‍ എക്സൈസ് ഇൻസ്പെക്ടർ റെജി.ജെ, അസിസ്റ്റന്‍റ് എക്സൈസ് ഇൻസ്പെക്ടർ ഷിഹാബുദ്ദീൻ.വൈ, പ്രിവൻ്റീവ് ഓഫീസർ റെജി മോൻ, സിവില്‍ എക്സൈസ് ഓഫീസർമാരായ റിൻജോ വർഗ്ഗീസ്, മാത്യുപോള്‍, സിവില്‍ എക്സൈസ് ഓഫീസർ ഡ്രൈവർ രജീഷ് ലാല്‍ എന്നിവരും പങ്കെടുത്തു.
:
